Suspendido ang pagpapatupad ng Expanded Number Coding scheme sa darating na Lunes ng susunod na linggo, Mayo 1.
Ito ang ipinabatid ng Metropolitan Manila Development Authority (MMDA) bilang pagbibigay daan sa pagdiriwang ng Araw ng Paggawa o Labor Day.
Dahil dito, pinapayuhan ng MMDA ang mga magsisipag-long weekend na planuhing maigi ang kanilang mga biyahe at ugaliing bisitahin ang kanilang social media pages para sa mga karagdagag anunsiyo.
Ang Expanded Number Coding Scheme sa Metro Manila ay ipinatutupad mula Lunes hanggang Biyernes, alas-7 hanggang alas-9 ng umaga at masusundan naman ito mula ala-5 ng hapon hanggang alas-8 ng gabi.
Muling magbabalik ang pagpapatupad ng number coding scheme sa Martes, Mayo 2. | ulat ni Jaymark Dagala
