Timbog ang isang drug suspect sa buy-bust operation ng pulisya sa Sta. Cruz, Manila.
Kinilala ni Police Lieutenant Colonel Melvin Florida, Hepe ng MPD-DDEU, ang suspect na si Yasser Hadji Noor.
Nasabat sa operasyon ang 1.2 kilogram ng hinihinalang shabu na nagkakahalaga ng Php8.160 milyon.
Ayon kay Florida, ilang araw na nagsagawa ng surveillance ang kanilang mga operatiba at may mga impormante na nagbigay ng lead ukol sa suspect.
Nagpapalit-palit pa ng lugar ang kanilang target kung saan makikipagtransaksyon bago maikasa ang buy bust.
Tumangging magbigay ng pahayag ang suspect na nahaharap sa kasong paglabag sa Comprehensive Dangerous Drugs Act of 2002. | ulat ni Bernard Jaudian
Photo: MPD-DDEU
