Handa na ang Malabon local government na umalalay sa mga biyahero at mga mananampalataya ngayong Semana Santa.
Ayon sa LGU, nag-deploy na ito ng anim na ambulansya sa F. Sevilla Boulevard, San Agustin, Hulong Duhat Plaza, Francis Intersection, at Potrero Malabon Action Center upang mapabilis ang pagtugon sa mga emergency cases lalo na sa mga nag-Visita Iglesia.
Nakahanda na rin aniya ang kanilang response team upang agad na rumesponde round-the-clock sa mga mangangailangan ng agarang tulong o assistance.
Hinikayat rin ng pamahalaang lungsod ang publiko na tumawag sa Malabon Command Center sa numero 8-921-6009 / 8-921-6029/ 0942-372-9891 / 0919-062-5588.
Nauna nang tiniyak ng LGU na kahit sa holiday ay mananatiling fully operational ang mga opisinang kabilang sa emergency and disaster response at health services sa lungsod. | ulat ni Merry Ann Bastasa
