Naka blue-alert ngayon ang National Disaster Risk Reduction and Management Council (NDRRMC) Operations Center bilang paghahanda sa Tropical depression “Amang”.
Sa pahayag ni Office of Civil Defense Spokesperson Assistant Secretary Raffy Alejandro kaninang umaga, posibleng itaas ang red alert depende sa magiging sitwasyon.
Magsasagawa aniya ng Pre-Disaster Risk Assessment, upang madetermina ang alert status na paiiralin sa mga apektadong lalawigan.
Makikipag-ugnayan din aniya ang NDRRMC sa mga member agencies, para maiayos ang pag pre-position ng mga suplay at relief goods para sa mabilis na distribusyon kung kakailanganin.
Sa ngayon ay patuloy ang pag-monitor ng NDRRMC sa mga early warning at weather bulletin.
Kaninang alas-10 ng umaga ay nasa layong 475 kilometro sa silangan ng Virac, Catanduanes ang TD “Amang”. | ulat ni Leo Sarne
