“Significantly controlled” o kontrolado ang oil spill sa Oriental Mindoro.
Ito ang iniulat ni Philippine Coast Guard o PCG Commandant Admiral Artemio Abu, sa kanyang pagharap sa panibagong pulong sa Department of Justice o DOJ ukol sa Mindoro oil spill.
Ayon kay Abu, mula sa 23 ay nasa 11 na leakages na lamang ang mayroon mula sa MT Princess Empress.
Anim ang sumailalim sa “bagging operations” o sinusuputan ang leakages.
Ayon kay Abu, ang apat ay hindi na nilagyan ng bag, dahil wala nang lumalabas na langis.
Habang ang isa ay hindi na nilagyan ng bag dahil hindi magawa ang bagging operations.
Ang termino na binanggit ni Abu ay “very slow intermittent leakage.”
Kaya ayon kay Abu, nakontrol na ang leakage mula sa MT Princess Empress.
Sa kabila nito, tiniyak ni Abu na tuloy-tuloy ang PCG, mga lokal na pamahalaan at kaukulang mga ahensya sa kanilang mga operasyon, preventive measures para hindi kumalat ang tumagas na langis, at clean up operations.
Sa katunayan, araw-araw itong ginagawa kahit noong nakalipas na holiday dahil sa paggunita sa Semana Santa. | ulat ni Lorenz Tanjoco
