Kinumpirma ng National Grid Corporation of the Philippines (NGCP) na nananatiling normal ang serbisyo ng power transmission sa Luzon grid sa kabila ng tumamang ng 5.3 magnitude na lindol sa Maconacon, Isabela nitong linggo.
Ayon sa NGCP, wala namang naitalang power interruptions na maiuugnay sa nangyaring pagyanig.
Wala ring naitalang pinsala sa anumang transmission facilities sa lalawigan.
Una nang sinabi ng PHIVOLCS na inaasahan ang aftershocks kasunod ng pagyanig. | ulat ni Merry Ann Bastasa
