Pinangunahan ni Department of Transportation (DOTr) Assistant Secretary for Railways Jorjette Aquino, ang groundbreaking ng itatayong elevated turnback guideway para sa Metro Rail Transit (MRT) line 7.
Sa pamamagitan nito, makakaikot ang mga tren ng MRT 7 na bumibiyahe mula sa San Jose del Monte City sa Bulacan patungong North Triangle Common Station sa North Avenue.
Ayon kay ASec. Aquino, malaking papel ang gagampanan ng nasabing guideway sa maayos na operasyon ng nasabing railway line system.
Kabilang din sa mga sumaksi sa naturang groundbreaking ceremony sina Quezon City Mayor Joy Belmonte gayundin ang San Miguel Corporation President Ramon Ang.
Kasunod nito, pinapurihan ni Asec. Aquino ang Pamahalaang Lungsod ng Quezon sa ginawang redesigning nito sa West Avenue, sa kabila ng limitadong espasyo na mayroon dito para maitayo ang mga haligi para sa turnback guideway. | ulat ni Jaymark Dagala
