Simula ngayong araw ay gagamit na ng bagong logo ang Presidential Communications Office (PCO).
Sa disensyo ng bagong logong gagamitin ng PCO, makikita dito ang araw na matatagpuan din sa watawat ng Pilipinas.
Makikita rin ang tatlong bituin na magsisilbing representasyon o simbolo ng
Luzon, Visayas, at Mindanao.
Kasama rin sa bagong logo ang pluma o panulat na sumasagisag sa pagsulat at komunikasyon gayundin ang kidlat na tanda ng mabilis na pagpapadala ng balita at impormasyon sa mamamayan.
Magsisilbing sagisag ang naturang logo hinggil sa mandato at misyon ng PCO upang mas epektibo pa nitong maibahagi ang paghahatid ng impormasyon sa mga Pilipino. | ulat ni Alvin Baltazar
