QC bus service, wala munang biyahe sa Biyernes

Nag-abiso ngayon ang Quezon City local government na hindi muna magbibigay ng libreng sakay ang QC bus service sa darating na Biyernes, April 21.

Ito ay dahil sa Eid’l Fitr na idineklarang regular holiday ng Malacañang.

Magbabalik na lang ang operasyon ng libreng sakay sa Sabado, April 22.

Ang QC bus service ay libreng bumabiyahe sa walong pangunahing ruta sa lungsod bilang tulong ng lokal na pamahalaan sa mga commuter:

1. QC Hall to Cubao
2. QC Hall to Litex / IBP Road
3. Welcome Rotonda to Aurora Katipunan
4. QC Hall to General Luis
5. QC Hall to Mindanao Avenue via Visayas Avenue
6. QC Hall to Gilmore
7. QC Hall to C5 / Ortigas Avenue Extension
8. QC Hall to Muñoz
   | ulat ni Merry Ann Bastasa