Pinangunahan ni Senior Deputy Speaker at dating Pangulong Gloria Macapagal Arroyo ang pagpapasinaya sa life size statue ng kaniyang ama na si dating Pangulong Diosdado Macapagal sa Philippine Merchant Marine Academy sa San Narciso, Zambales.
Ito ay bilang pagkilala ng PMMA sa paglagda ng dating pangulo sa batas na nagco-convert sa Philippine Nautical School bilang Philippine Merchant Marine Academy noong 1963.
Sa talumpati ni SDS GMA, inalala nito na sa kaniyang administrasyon ay nakapagpo-produce ang PMMA ng 10% ng kabuuang Filipino deck at engine officers sa mga international ships.
Dahilan para sa mataas na OFW remittance na nakatulong para maprotektahan ang bansa mula sa 2008 global recession. | ulat ni Kathleen Jean Forbes
