Abiso sa mga residente ng Taguig dahil merong libreng medical checkup at dental sa kanilang syudad ngayong araw.
Ito ay ginaganap ngayon sa Maharlika habang may ganito ring programa sa April 27, 2023 sa Katuparan at
April 28, 2023 sa Pinagsama.
Ayon sa Taguig LGU layon ng Taguig Love Caravan na maiparating ang mga serbisyong medical, dental, at nutrition seminar sa kanilang kababayan.
Maaaring magpa-checkup at magpabunot ng ngipin habang mamimigay rin ng libreng hearing aid sa mga kwalipikadong Taguigueño na may kailangan nito.
Para sa iba pang detalye maaring bisitahin ang Official Facebook page ng Taguig LGU na I love Taguig. | ulat ni Don King Zarate
