Dumalo si Vice President at Education Secretary Sara Duterte sa graduation rites ng Montessori de San Juan sa San Juan City, ngayong araw.
Dito, kaniyang ipinaalala sa mga nagsipagtapos na huwag kalimutang pasalamatan ang mga taong naging bahagi ng kanilang tagumpay.
Kasunod nito, hinikayat din ng Pangalawang Pangulo at Kalihim ng Edukasyon ang mga nagsipagtapos sa Grade 6 at Grade 12 na balansehin ang kanilang buhay mag-aaral at pagiging kabataan.
Mensahe pa niya sa mga nagsipagtapos, na magpursige sa kanilang pag-aaral upang makapagtapos at tiyaking maabot ang kanilang mga pangarap na maging propesyunal balang araw.
Patuloy aniya sa paghahanap ng mga paraan ang Department of Education (DepEd) na makapapasok pa rin sa eskwela ang mga kabataan kahit pa sila ay nagbabanat ng buto sa murang edad upang may maitulong sa pamilya. | ulat ni Jaymark Dagala
?: OVP
