Magpapatupad ng mas mahigpit na health protocols ang pamunuan ng Bureau of Corrections (BuCor) dahil sa pagtaas ng kaso ng COVID-19 sa New Bilibid Prisons.
Ito’y matapos na umabot sa 57 COVID-19 cases ang naitala sa loob ng NBP.
Ayon kay BuCor Chief Gregorio Catapang Jr., kinakailangan na nakasuot ng face mask ang bawat kawani at mga indibidwal na may transaksyon sa loob ng BuCor at kinakailangan rin na magnegatibo muna sa Rapid test bago makapasok sa loob ng compound.
Kaugnay nito, hindi muna papahitulutan ang visitation sa mga Persons Deprived of Liberty (PDL) hangang May 21 para sa pagsasagawa ng contact tracing at hanggang sa maging negatibo na ang mga nagkaroon ng asymptomatic cases at mga nagpositibo na PDLs. | ulat ni Arrian Jeff Ignacio
