Inalerto na ng Department of Agriculture ang mga magsasaka at mangingisda sa banta ng bagyong Mawar na inaasahang papasok sa bansa sa Biyernes o Sabado.
Ayon sa DA, nakalatag na ang mga paghahanda nito at nakikipag-ugnayan na rin sa PAGASA kaugnay sa galaw ng bagyo.
Regular din aniya itong nagpapalabas ng bulletin para maabisuhan ang kanilang mga regional office sa posibleng tamaan ng bagyo.
Kaugnay nito, nanawagan naman si DA Deputy Spokesperson Assistant Secretary Rex Estoperez sa mga magsasaka at pati na sa mga mangingisda na regular na umantabay sa mga weather updates at abiso ng kanilang lokal na pamahalaan. | ulat ni Merry Ann Bastasa
📸: DA
