Natagpuang patay ang dating Chief of Police ng San Pedro, Laguna sa loob ng kanyang tinutuluyang condo sa Biñan, Laguna ngayong umaga.
Kinilala ng Biñan City Police Station ang biktima na si Police Lt. Col. Ben Isidore Aclan.
Base sa inisyal na imbestigasyon, narinig umano ng personal security ng opisyal na si Police Cpl. Japer Aaron Mercado, ang putok ng baril mula sa kwarto ng kanyang amo sa Holland Park Condominium kaninang 8:30 ng umaga.
Agad umanong rumesponde si PCpl. Mercado, at pagdating niya sa kwarto na pinanggalingan ng putok ay nakita niyang nakahandusay na si Lt. Col. Aclan.
Patuloy naman ang isinasagawang imbestigasyon ng mga pulis sa insidente. | ulat ni Leo Sarne
