Naglunsad ang Department of Tourism (DOT) ng “Bisita Be My Guest” program sa SOCCKSARGEN region upang magkaroon ng domestic promotion ang ating bansa sa pagpapakilala ng mga ipinagmamalaking tourism sites sa ating bansa.
Ayon kay Tourism Secretary Christina Frasco, layon ng paglulunsad ng region wide “Bisita Be My Guest” program na ipromote ang tourism sites na hindi pa gaanong nakikilala sa international tourist na tumutungo sa Pilipinas.
Dagdag pa ni Frasco na isa ang naturang rehiyon sa hindi pa gaanong nakikilala sa kanilang mga tourism spots kaya dito nila naisipan na ilunsad ang programa ng ahensya.
Samantala, nagpapasalamat naman ang local officials sa SOCCKSARGEN sa programang hatid ng DOT na maipakilala sa international market ang kanilang rehiyon. | ulat ni AJ Ignacio
