Inalerto na ni Department of Social Welfare and Development (DSWD) Secretary Rex Gatchalian ang mga Field Office ng ahensya kaugnay sa pagpasok ng isang bagyo.
Inatasan ng kalihim ang mga ito, na maglatag na ng karagdagang family food packs at iba pang relief supplies sa mga lugar na posibleng daanan ng sama ng panahon.
Bilang tugon sa direktiba ni Secretary Gatchalian, naglagay na ng 16,355 family food packs ang DSWD Field Office Cordillera Administrative Region sa mga lalawigan ng Abra at Apayao.
Sa Rehiyon I (Ilocos Region), ininspeksyon na rin ng DSWD Field Office ang mga regional at satellite warehouses nito upang matiyak na may sapat na relief goods ito.
Maging ang DSWD FO 7 (Western Visayas) ay pinaghahandaan na rin ang anumang posibleng epekto ng bagyo.
Pagtiyak pa ng DSWD, na may sapat pang stockpile ng family food packs sa iba’t ibang regional offices nito na magagamit sa disaster response Centers. | ulat ni Rey Ferrer
