Kumpiyansa ang Metro Manila Council na maipatutupad na sa buong National Capital Region ang Single Ticketing System sa lalong madaling panahon
Ito ang inihayag ni Metro Manila Council President at San Juan City Mayor Francis Zamora kasabay ng pagsisimula ng dry-run ng nasabing panuntunan kahapon.
Ayon kay Zamora, nakapagpasa na ng mga ordinansa ang iba pang lugar sa NCR at nasa transition na sila ng pagkonekta sa central Internet Protocol o IP ng Land Transportation Office o LTO.
Aminado si Zamora na may katagalan ito lalo’t mangangailangan din iyon ng pagpapalit ng mga bagong kagamitan na pasok sa pamantayan ng sistema.
Subalit tiniyak ni Zamora na tatagal lamang ng dalawang linggo ang pagpapatupad ng dry-run ng Single Ticketing System at ito’y ganap nang maipatutupad sa buong NCR. | ulat ni Jaymark Dagala
