Hinikayat ng Pasay LGU ang mga residente na pabakunahan kontra sa Polio, Rubella, at tigdas ang mga bata sa syudad.
Kahapon naging matagumpay ang DOH Supplemental Immunization Activity Kick-Off sa Brgy. 183 Villamor, Pasay City kung saan nasa 40 bata ang nabakunahan sa Chikiting Ligtas
Ito ay unang hakbang pa lamang sa isang buwang bakunahan sa syudad.
Ayon kay Pasay City Mayor Emi Calixto Rubiano, mahal ang bakuna sa pribadong klinica kaya’t maswerte sila sa Pasay. Dahil libre ang nasabing bakuna.
Malaki ang maitutulong ng bakuna para maging kampante ang mga magulang laban sa mga sakit.
Aabot sa 37,000 ang target bakunahan sa Chikiting Ligtas sa syudad.
Nasa 30,752 sa unang dalawang linggo, habang 7,689 sa natitirang 2 linggo.
Samantala, kabilang sa edad na maaring bakunahan ay 9-months hanggang 59 months para sa Measels-Rubella Vaccine habang new born to 59-months para sa Bivalent Oral Polio vaccine. | ulat ni Don King Zarate
