Libu-libong mga manggagawa na ang nakinabang sa libreng sakay na alok ng MRT-3 ngayong Labor Day.
Sa ulat ng MRT-3 ay umabot na sa 9,486 na mga manggagawa mula sa pribado at pampublikong sektor ang nakalibre ng pamasahe mula 7:00 a.m. hanggang kaninang 9:00 a.m.
Magpapatuloy naman ang libreng sakay sa tren mamayang 5:00 p.m. hanggang 7:00 p.m.
Kinakailangan lamang na ipresenta ng manggagawa ng company ID o government-issued ID sa security personnel sa service gate ng mga istasyon.
Ang libreng sakay ay tugon ng MRT-3 sa kahilingan ng Department of Labor and Employment para sa mga manggagawa bilang pagbibigay-pugay sa kanila ngayong Labor Day.
Samantala, patuloy namang pinaalalahanan ng MRT3 ang mga pasahero na sumunod sa health protocols laban sa COVID-19. | ulat ni Merry Ann Bastasa
