Iginiit ni Senador Ramon ‘Bong’ Revilla Jr. ang patuloy na nagkakaisang suporta ng partidong Lakas-CMD sa pamumuno ni Pangulong Ferdinand R. Marcos Jr.
Ayon kay Revilla, ang Lakas-CMD ang dominant political party ng Pilipinas at nananatili silang nagkakaisa sa ilalim ng pamumuno ng kanilang Party President na si House Speaker Martin Romualdez.
Si Revilla ay tumatayong co-chairman ng Lakas-CMD.
Ang pahayag na ito ay kasunod ng naging isyu na idinulot ng pagpapalit kay dating Pangulong Gloria Macapagal-Arroyo bilang senior deputy speaker.
Sinabi ng Revilla na ang dekada nang pagkakaisa ng partido ay pinagtibay at pinagbigkis ng pagsasama at pag-uunawaang hinubog at pinanday na ng panahon.
Sa kabila aniya ng mga pagsubok ay mas lumalakas pa ang kanilang partido. | ulat ni Nimfa Mae Asuncion
