Tinitiyak ng Quezon City government na sinisikap nito na matugunan ang pangangailangan ng mga manggagawa sa lungsod.
Ngayong Labor Day, binibigyan ng lokal na pamahalaan ng pagkilala ang kanilang kontribusyon sa pag-unlad ng bansa.
Sinisiguro naman ng pamahalaang lungsod na tuloy-tuloy ang pagpapalawak ng mga programa at proyekto nito .
Ito’y upang matiyak na ang mga serbisyo ng lungsod ay naihahatid sa mga residente para sa pagpapaunlad ng kanilang kabuhayan.
Ipinangako pa ng pamahalaang lokal na katuwang ito ng mga manggagawa sa pagkamit ng kanilang pangarap para sa sarili, pamilya at para sa bansa.
Ngayong araw, ginaganap ang job fair sa lungsod na inisyatiba ng Cooperative Development Authority, Department of Labor at Quezon City government. | ulat ni Rey Ferrer
