Kinumpirma ni PNP Public Information Office Chief Police Brig. General Red Maranan na ongoing ang firefight sa pagitan ng mga pulis at armadong grupo ni dating Maimbung Vice Mayor Pando Mudjasan sa Sulu.
Sa ulat ng PNP Sulu na nakarating sa Camp Crame, nagtangkang magsilbi ng search warrant ang mga pulis sa bahay ng dating opisyal sa Bualo Lipid, Maimbung kaninang umaga.
Pinaputukan umano ng grupo ni Mudjasan ang mga pulis nang papalapit ang mga ito sa kanyang tahanan na nagresulta sa palitan ng putok.
Apat na pulis ang iniulat na sugatan sa insidente na isinugod sa ospital. | ulat ni Leo Sarne
