Tina-target ng National Food Authority (NFA) na makumpleto na ang distribusyon nito ng One-Time Rice Assistance (OTRA) para sa mga guro bago matapos ang buwan ng Hunyo.
Tugon ito ng NFA sa hiling ng Alliance of Concerned Teachers (ACT) na maibiay na ang kabuuan ng rice assistance para sa mga guro sa National Capital Region (NCR) bago matapos ang klase sa July 7.
Sa isinagawang dayalogo sa pagitan ng NFA at ACT Party-list kamakailan ay siniguro rin ni NFA Assistant Administrator for Operations John Robert Hermano na may sinusunod na protocols ang ahensya sa pag-iisyu ng rice assistance kabilang na ang mahigpit na quality assurance sa mga ipinamamahaging bigas.
Dagdag pa nito, lahat ng mga NFA rice ay binibili mula sa mga magsasaka, nasa magandang kalidad at ligtas para sa human consumption. | ulat ni Merry Ann Bastasa
