Mula kaninang alas-siyete hanggang alas-nuebe ng umaga, umabot na sa 23,186 ang mga pasaherong nagbenepisyo ng “libreng sakay” sa Metro Rail Transit line 3 (MRT-3).
Ang libreng sakay ay handog ng pamunuan ng MRT-3 sa mga pasahero bilang pakikiisa sa pagdiriwang ng ika-125 Araw ng Kalayaan ngayong Hunyo 12.
Ayon kay Transportation Assistant Secretary for Railways at MRT-3 Officer-in-Charge Jorjette Aquino, ang libreng sakay ay taunang aktibidad ng MRT-3, kasama ang Department of Transportation, upang gunitain ang Araw ng Kalayaan.
Muling magkakaroon ng libreng sakay mamayang alas-singko ng hapon hanggang alas-siyete ng gabi sa buong linya. | ulat ni Rey Ferrer
