Magpapatupad ng Libreng sakay ang pamunuan ng Light Rail Transit Line 2 sa mismong Araw ng Kalayaan sa darating na Lunes, June 12.
Ayon sa Light Rail Transit Authority, mag-uumpisa ang nasabing libreng sakay mula alas-siyete ng umaga hangang alas-nuebe ng umaga at magpaptuloy naman ng alas-singko ng hapon hangang alas-siyete ng gabi.
Samantala, aalis ang unang tren sa Recto Station at Antipolo Station ng 5:00 AM habang ang huling tren naman sa Antipolo Station ay aalis ng 9:00 PM at 9:30 PM sa Recto Statio.
Muli namang paalala ng LRT Line 2 sa publiko na may naitalang oras lamang ang naturang libreng sakay at hindi buong araw sa darating na Lunes. | ulat ni Arrian Jeff Ignacio
