Magsasagawa ang Pamahalaang Lungsod ng Makati ng Lingkod Bayan Caravan sa darating na Sabado, July 1 sa Barangay San Antonio.
Gagawin ang nasabing caravan sa San Antonio Community Complex sa Lumbayao corner Caong Street, mula alas-7 ng umaga hanggang alas-12 ng tanghali.
Magkakaloob ng libreng serbisyong medikal tulad ng libreng gamot, blood typing, ECG, FBS, medical checkup, at X-ray.
Magkakaroon rin ng late birth certificate registration at birth certificate authentication.
Maliban sa mga ito, maaaring mag-apply ang mga Makatizen ng kanilang Makatizen Card, Yellow Card, White Card, Blu Card, o Solo Parent ID upang makakuha ng mga benepisyo.
Marami ring serbisyo ang ipagkakaloob ng pamahalaang lungsod tulad ng pet vaccination at microchipping, legal aid, job fair, at marami pang iba. | ulat ni Gab Villegas
