Nakatakdang maglunsad sa darating na June 12, Araw ng Kalayaan ang lokal na pamahalaan ng Mandaluyong at Department of Labor and Employment ng Job Fair para sa mga kababayan na naghahanap ng trabaho.
Ayon sa Public Employment Service Office ng lungsod, aabot sa 50 local employment at nasa 8,000 trabaho naman mula sa overseas companies ang nakatakdang i-offer ng job fair.
Paalala naman ng Mandaluyong PESO sa mga job seeker na magdala ng maraming kopya ng kanilang updated resume at ballpen at alcohol at panatilihing magsuot ng face mask.
Gaganapin ang naturang job fair sa SM Megamall Bldg. B 5/F Mega Trade Hall 3, Julia Vargas St. Mandaluyong City. | ulat ni Arrian Jeff Ignacio
