May pagkakakilanlan na ang Quezon City Police District (QCPD) sa mga suspek na bumaril sa isang mamamahayag sa Barangay Masambong.
Ayon kay Police Brigadier General Nicolas Torre, patuloy ang kanilang ginagawang imbestigasyon at nagsasagawa sila ngayong ng pagba-backtrack sa mga CCTV footage.
Ani Torre, naplakahan na ang mga suspek na sakay ng isang kotse at motor. May pagkakakilanlan na rin aniya ang pulisya sa mga ito.
Batay sa inisyal na imbestigasyon, nasugatan ang apat sa pitong sakay ng SUV na pinagbabaril, kabilang dito si Joshua Abiad ng Remate Online at dalawang menor de edad.
Kasalukuyan namang dinala ang mga biktima sa ospital.
Tiniyak naman ni Police Brigadier General Torre na patuloy ang kanilang imbestigasyon upang tuluyan nang mahuli ang salarin sa insidente ng pamamaril. | ulat ni Diane Lear
