Pansamantalang sinuspinde ang operasyon ng tatlong istasyon ng MMDA Pasig River Ferry Service ngayong araw.
Batay sa abiso na inilabas ng MMDA, ito ay dahil sa nasirang pontoon o bangka at low tide.
Kabilang sa mga istasyon ng Pasig River Ferry Service na tigil ang operasyon ay ang Valenzuela, PUP, at Maybunga.
Samantala, regular pa rin ang biyahe sa 10 istasyon ng Pasig River Ferry Service kabilang dito ang Pinagbuhatan, San Joaquin, Kalawaan, Guadalupe, Sta. Ana, Lawton, Quinta, Hulo, Escolta, at Lambingan.
Pinapayuhan naman ang mga pasahero na manatiling nakaantabay sa mga update ukol sa biyahe ng Pasig River Ferry sa pamamagitan ng kanilang Facebook page. | ulat ni Diane Lear
📷: Pasig River Ferry Service
