Namahagi ng isang libong family food packs ang Philippine Charity Sweepstakes Office (PCSO) sa mahihirap na senior citizen at persons with disabilities (PWDs) sa Batangas.
Personal na tumungo si PCSO Director Ret. Judge Felix Reyes at iba pang opisyal ng ahensya sa Batangas para ipamahagi ang nasabing tulong.
Kasabay din ng pagbibigay ng tulong ay nagkaloob din ang PCSO ng scholarship assistance sa walong kwalipikadong mga estudyante mula sa Lungsod ng Lipa.
Ayon kay Reyes, ang programang ito ay patunay ng mataas ang pagpapahalaga ng ahensya sa larangan ng edukasyon.
Ang pamamahagi ng tulong ng PCSO ay alinsunod din sa inisyatibo ni Pangulong Ferdinand R. Marcos Jr. na bigyang pansin ang sektor senior citizens at PWDs.| ulat ni Diane Lear
