Nagdesisyon na ang Coast Guard District Southeastern Mindanao na itigil ang search and rescue operations para sa mga nawawalang anim na crew ng FB Genesis 2.
Ito ay matapos ang isang linggong paghahanap sa mga nawawalang tripulante.
Ayon sa PCG, base sa kanilang nakuhang impormasyon ay posibleng na-trap ang anim na crew sa loob ng kanilang barkong pangisda kung saan lumubog ito sa may katubigan ng Baganga, Davao Oriental.
Sa nangyaring insidente, 14 ang na-rescue ng awtoridad, tatlo ang kumpirmadong patay at anim ang nawawala kabilang ang kapitan ng barko.
Sa kabila naman ng pagtatapos ng search and rescue operations ay tiniyak ng Philippine Coast Guard na patuloy pa rin nilang i-aalerto ang mga dumadaan na sasakyang pandagat hinggil sa posibilidad na may makita ang mga ito sa mga nawawalang crew. | ulat ni Lorenz Tanjoco
