Inanunsyo ng pamunuan ng Light Rail Transit Authority (LRTA) na magbibigay ito libreng sakay sa LRT-2 para sa mga atleta at delegado ng Palarong Pambansa 2023.
Ito ay bilang suporta ng LRTA sa naturang patimpalak.
Kabilang sa mabebenepisyuhan ng libreng sakay ang mga athlete, coach at trainer, national at local committee member, volunteer, technical worker, official, medical staff, at accredited media.
Kailangan lang ipakita ang Palarong Pambansa ID para i-avail ang libreng sakay simula July 31 hanggang August 5.
Ngayong araw, pormal nang binuksan ang patimpalak sa Marikina Sports Center na dinaluhan ni Pangulong Ferdinand R. Marcos Jr.| ulat ni Diane Lear
