Magbibigay ang Pamahalaang Panlalawigan ng Occidental Mindoro sa pamumuno ni Governor Ed Gadiano ng P100K bilang pabuya sa makakapagturo sa walang habas na pumaslang kay Eden Joy Villacete, mag-aaral ng Occidental Mindoro State College-San Jose campus.
Sa kanyang social media post sinabi ng gobernador na mariin niyang kinukondena ang karahasang ito at ang kalunos-lunos na sinapit ni Eden Joy.
Kasabay nito ang panawagan sa sinumang may impormasyon hinggil sa krimen na ipagbigay-alam agad sa mga sumusunod na numero ng San Jose Municipal Police Sation:
SMART: 0998-967-4590/0939-923-2001
GLOBE: 0906-468-0249
Nagpaabot din ang punong-lalawigan ng lubos na pakikidalamhati sa mga pamilya’t kaibigan ni Eden Joy kasabay ng pagtiyak ng hustisya sa kanyang sinapit.| ulat ni Leonie Algire| RP1 Lucena
