Tiniyak ng pamunuan ng Philippine Coast Guard na may mananagot sa nangyaring pagtaob ng isang passenger boat sa bahagi ng Binangonan, Rizal na ikinasawi ng halos 30 katao.
Ayon kay Coast Guard Spokesperson, RAdm. Armand Balilo, inuuna lamang nila sa ngayon ang accounting sa mga nasagip na pasahero gayundin ang mga nakuhang labi mula sa tumaob na Motorbanca (MBCA) Princess Aya.
Partikular anilang titingnan sa mga ito ang posibleng pananagutan ng operator ng nasabing motorbanca maging ang kanilang mga tauhang naka-poste sa lugar.
Ipinaliwanag pa ni Balilo na batay sa manifestong isinumite ng operator ng motorbanca, 20 lamang ang sakay nito subalit lumabas na aabot sa 70 pasahero ang sakay nang mangyari ang insidente
Batay sa pinakahuling ulat ng Binangonan LGU, nasa 26 ang nasawi habang mahigit 40 ang nasagip sa isinagawang operasyon ng coast guard sa Lugar. | ulat ni Jaymark Dagala
