Magsasagawa ng simulation exercises ang PNP ngayong linggo bilang paghahanda sa State of the Nation Address ng Pangulo sa susunod na Lunes.
Ayon kay PNP Spokesperson Police Col. Jean Fajardo, kasama sa paghahanda ang pagsubok sa kanilang komunikasyon, occular inspection, walk-through sa areas of convergence, at clearing operations.
Magkakaroon din ng dry-run sa seguridad na ipatutupad ng pulisya para sa Pangulong Ferdinand “Bongbong” Marcos Jr. at iba pang personalidad at opisyal ng gobyerno na dadalo sa aktibidad.
Ayon kay Fajardo, walang natanggap sa ngayon na seryoso at “credible threat” sa SONA ng Pangulo.
Ipinaalala naman ni Fajardo na ang Quezon Memorial Circle ang designated freedom park sakaling magsagawa ng aktibidad ang iba’t ibang grupo. | ulat ni Leo Sarne
