Nagpatupad ng panibagong balasahan sa hanay ng matataas na opisyal ng PNP.
Sa re-assignment order na pirmado ni PNP Directorate for Personnel and Records Management Director Police Maj. General Robert Rodriguez, itinalaga sa Area Police Command for Northern Luzon si Police Maj. General Jon Arandia Arnaldo.
Pinalitan ni Arnaldo si Police Maj. General Felipe Natividad na nagretiro sa serbisyo.
Itinalaga naman sa Directorate for Plans si PBGen. Neil Buaqueña Alinsangan.
Mula naman sa pagiging Chief ng Directorate for Controllership, inilipat bilang bagong Director ng PNP Finance Service si PBGen. Ross Clemente Alvarado.
Pinalitan ni Alvarado si PBGen. Bowenn Moncada Masauding na itinalaga bilang bagong Regional Director ng Police Regional Office (PRO) 9.
Habang itinalaga naman bilang Director for Intelligence si PBGen. Robert Alexander Aguilar Morico.
Ang mga nabanggit na bagong assignment ay naging epektibo kahapon. | ulat ni Leo Sarne
