Kinilala ni PNP Chief P/General Benjamin Acorda Jr. ang aktibong partisipasyon ng komunidad sa malalaking huli ng iligal na droga sa Western Visayas.
Ayon kay Acorda, maraming impormasyong natatanggap ang kapulisan mula sa komunidad na nagreresulta sa matagumpay na anti-drug operation.
Sa datos ng Police Regional Office 6, umabot sa P86 milyong halaga ng iligal na droga ang nakumpiska ng kapulisan sa Rehiyon sa nakalipas na dalawang buwan.
Sa nasabing datos, maraming bulto ng shabu ang nakumpiska sa siyudad ng Bacolod at Iloilo City.
Sa pagresolba sa problema ng iligal na droga, tiniyak naman ng opisyal na patuloy ang kapulisan sa pagsasagawa ng agresibo at tapat na operasyon.| ulat ni Paul Tarrosa| RP1 Iloilo
