Ikinasa ng Marikina City Recue 161 ang search and rescue operation sa isang lalaki na inanod sa Marikina River.
Ayon kay Marikina City Mayor Marcy Teodoro at Marikina City Rescue 161 chief Dave David, tumawid ng ilog sa ilalim ng Tumana Bridge ang 24 na taong gulang na lalaki para puntahan ang kanyang kaibigan na nangingisda sa kabilang pampang.
Pero sa lakas ng agos, tinangay ang biktima.
On-going naman ang search and rescue operation ngayon ng Marikina City Rescue 161 kung saan pahirapan ng operasyon dahil sa lakas ng agos ng tubig sa ilog.
Sa ngayon, nakataas sa unang alarma ang ang alarm level ng Marikina River na nasa 15.7 meters. | ulat ni Diane Lear
