Magsasagawa ang Pamahalaang Lungsod ng Las Piñas ng isang Community Job Fair bukas, August 22 na gaganapin sa Villar Gymnasium sa Barangay Talon Dos.
Ang nasabing job fair ay magsisimula mula alas-9 ng umaga hanggang alas-3 ng hapon.
Ayon sa Las Piñas Public Employment Service Office, ilan sa mga trabahong iniaalok sa nasabing job fair ay accountant, company nurse, merchandiser, promodiser, mason, customer service representatives, cashier, driver at marami pang iba na iaalok ng 19 na kumpanya.
Nagpaalala ang lokal na pamahalaan sa mga aplikante, na huwag kalimutang magdala ng maraming kopya ng resume, ballpen, vaccination card, at magsuot ng angkop na kasuotan. | ulat ni Gab Villegas
