Arestado sa buy-bust operation ng City Drug Enforcement Unit at Mandurriao Police Station ang isang high value target sa Brgy. Bakhaw, Manduriao, Iloilo City.
Arestado sa operasyon ang Top 2 target listed drug personality sa Mandurriao na si Geovany Gozon, 32 taong gulang at residente ng nasabing lugar.
Nakumpiska kay Gozon ang 150 gramo ng shabu na nagkakahalaga ng P1,020,000 , buy-bust money at iba pang drug paraphernalia.
Sa ikinasang operasyon, mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002. | ulat ni Paul Tarrosa| RP1 Iloilo
