Umakyat na sa 232 sIyudad at munisipyo sa bansa ang isinailalim sa state of calamity dahil sa pinagsanib na epekto ng nagdaang bagyong Egay at habagat.
Batay sa huling ulat ng National Disaster Risk Reduction and Management Council (NDRRMC) ngayong umaga, umakyat ang bilang ng mga calamity area mula sa 154 kahapon.
Ang mga deklaradong calamity areas ay nasa Ilocos Region, Cagayan Valley, Central Luzon, Calabarzon, Mimaropa, at Cordillera Administrative Region.
Dahil nasa state of calamity, magagamit na ng mga LGU at Provincial Government ang kanilang calamity fund.
Awtomatiko ding ipinapairal ang price-freeze sa mga pangunahing bilihin sa mga calamity area. | ulat ni Leo Sarne
