Nakahanda na ang National Capital Region Police Office (NCRPO) sa pagdating ng mga deligado sa gaganaping Fiba World Cup, sa darating na August 25.
Ayon kay NCRPO Acting Regional Director Police Brigadier General Jose Nartatez Jr., na nakalatag na ang security measures mula pagdating ng mga deligado hanggang sa event, sa Philippine Arena.
Isa sa gagamitin bilang express lane ang Edsa busway, upang maging mabilis ang pag-transport ng mga deligado.
Muli namang siniguro ni Nartatez sa publiko, na magiging maayos ang gagawing seguridad ng NCRPO sa mga manlalaro, mula pagdating sa bansa hanggang sa kanilang accommodation. | ulat ni AJ Ignacio
