Ibinida ng Department of Budget and Management (DBM) sa mga mambabatas na nakapagtala ang Procurement Service-Department of Budget and Management o PS-DBM ng mahigit sa P681 million na “savings” nitong 2022.
Ayon kay DBM Sec. Amenah Pangandaman, ito ay bunsod na rin aniya ng “transparent procurement” sa ilalim ng pamumuno ni PS-DBM Executive Director Dennis Santiago.
Ayon sa kalihim, ito na ang pinakamataas na naitalang halaga ng savings mula noong 2020.
Malaking bahagi aniya ng natipid ay bunsod ng “bulk procurement” at market price monitoring and validation.
Matatandaang ilang beses na nasangkot sa kontrobersiya ang PS-DBM.
Isa rito ang paglilipat ng pondo ng Department of Health (DOH) sa PS-DBM para bumili ng COVID-19 supplies at equipment na kalaunan ay sinabing overpriced.
“As a result of transparent procurement under Atty. Dennis Sanitago’s management, PS-DBM actually recorded a total of over P681 million in government savings for 2022. It’s the highest figure registered since 2020. This significant cost of savings was attained through “bulk procurement” ang market price monitoring and validation during his time.” pagbabahagi ni Pangandaman. | ulat ni Kathleen Jean Forbes
