Ihihinto muna ang ilang roadworks sa Metro Manila ayon sa Metropolitan Manila Development Authority o MMDA.
Ito ay upang magbigay daan sa mga gagawing preparasyon para sa gaganaping FIBA World Cup sa bansa.
Batay sa MMDA Memorandum Circular No. 7 series of 2023, pansamantalang ititigil ang road works simula August 17 hanggang September 10.
Kabilang dito ang mga ginagawang road works sa EDSA, C5, Diokno Boulevard, Taft Avenue, UN Avenue, Meralco Avenue, Agham Road, at Ortigas Avenue.
Pagbabawalan rin ang mga mall sa EDSA at iba pang lugar na magsagawa ng mall sales upang maiwasan ang mabigat na trapiko. | ulat ni Diane Lear
