Nanawagan ang Pamahalaang Lungsod ng Taguig sa Makati Local Governmet, na itigil na ang mga hakbang nito na pumipigil sa smooth transition ng mga Enlisted Men’s Barrio o EMBO Barangay partikular na ang mga gusaling paaralan dito.
Inihayag ito ni Taguig City Mayor Lani Cayetano, makaraang igiit ng Makati LGU na kailangan munang kumuha ng Taguig LGU ng writ of execution para ganap na mailipat sa kanila ang mga EMBO school.
Ayon kay Cayetano, hindi na kailangan ng writ of execution dahil malinaw naman na ang naging desisyon ng Korte Suprema hinggil sa kanilang hurisdiksyon sa mga naturang barangay.
Muli pang binigyang diin ng alcalde, na bukas-palad nilang tinatanggap ang kanilang mga bagong kababayan at handa silang higitan ang mga natatanggap ng mga ito sa Makati City.
Kaya naman nanawagan si Cayetano kay Makati City Mayor Abi Binay gayundin sa mga opisyal nito, na huwag nang magpakalat ng mga maling impormasyon na nakasisira sa transition, sa halip ay makipagtulungan para na rin sa kapakanan ng mga apektadong residente. | ulat ni Jaymark Dagala
🎥: Taguig PIO
