Hinihikayat ng Valenzuela City Government ang mga mag-aaral, na kumpletuhin na ang kanilang bakuna kontra COVID-19 bago ang pasukan ng klase sa Agosto 29.
Nagbukas na ang lokal na pamahalaan ng dalawang vaccination site sa lungsod na maaaring puntahan ng mga mag-aaral na magpapaturok ng COVID-19 vaccine.
Isa rito ay ang Valenzuela City People’s Park at ang isa naman ay ang Valenzuela City Social Hall.
Magbubukas ng alas-9 ng umaga hanggang alas-4 ng hapon ang People’s Park simula Lunes hanggang Biyernes.
Habang ang Valenzuela Social hall ay bubuksan lang ng Sabado mula sa parehong oras.
Bukas ito sa mga kabataang may edad 5 hanggang 17 taong gulang.
Para sa mga batang may edad ng 5 hanggang 11 taong gulang, Pfizer kidz ang gagamitin para sa kanila habang Sinovac vaccine naman para sa 12 hanggang 17 taong gulang. | ulat ni Rey Ferrer
