Wala nang limit ang bentahan ng murang bigas sa ilang stalls sa Mega Q Mart sa Quezon City.
Ayon sa ilang retailers, tulad ni Ginang Roda Macaganda, tuloy-tuloy na ang nakukuha nilang suplay ng bigas sa sa Bocaue Bulacan.
Ang ibang rice retailers naman katulad ni Crista Zara ay nakadepende pa rin sa suplay na ibinibigay sa kanila ng pamunuan ng Mega Q Mart.
Sa simula pa lang ng mandated price ceiling na P41 at P45 sa regular at well-milled rice, limitado lamang sa tatlo hanggang limang kilo ang kanilang bentahan sa bigas.
Kabilang ang Micro Rice Retailers sa Mega Q Mart na makakatanggap ng P15,000 cash aid na ipagkakaloob ng gobyerno para makabawi sa kanilang pagkalugi. | ulat ni Rey Ferrer
