Nakapagtala ng 33-degree Celsius (°C) na temperatura at 58% na relative humidity ang PAGASA Science Garden AWS, kaninang alas-12:09 ng tanghali.
Ito ay may heat index o init factor na 39°C na kinokonsidera bilang extreme caution.
Ang heat index ay temperaturang nararamdaman ng ating katawan.
Kailangan ng ibayong pag-iingat, dahil ito ay maaaring magdulot ng heat cramps, heat exhaustion, at heat stroke.
Ayon sa Quezon City Disaster Risk Reduction and Management Office (QCDRRMO), maaari pang tumaas ang init ng panahon sa mga susunod na oras.
Dahil dito, hinihikayat ang publiko na uminom ng maraming tubig at manatili sa loob ng tahanan kung kinakailangan upang makaiwas sa sakit na dala ng sobrang init. | ulat ni Rey Ferrer
