Isang kagawad ng barangay at isang miyembro ng Civilian Armed Forces Geographical Unit (CAFGU) ang inaresto ng Eastern Samar Police dahil sa paglabag sa umiiral na ‘gun ban’ kaugnay ng papalapit na BSKE.
Unang naaresto sa checkpoint na inilatag ng Gen. MacArthur MPS noong Agosto 28, 2023 ang kagawad ng Brgy. Aguinaldo, na si Romeo C. Baillo matapos makumpiskahan ng itak.
Samantala, arestado rin sa police response ng Borongan City Police Station ang isang miyembro CAFGU na si Joel R. Magay, na nakuhaan ng caliber .38 revolver na kargado ng dalawang bala at walang kaukulang dokumento.
Maliban sa paglabag sa Omnibus Election Code, ang dalawang suspek ay nahaharap din sa kasong illegal possession of firearms at deadly weapon.
Umaapela naman si Provincial Director, PCol. Jose Manuel Payos sa publiko na sumunod sa mga batas na umiiral para sa isang mapayapang halalan. | ulat ni Ma. Daisy Amor Belizar | RP1 Borongan
![](https://radyopilipinas.ph/wp-content/uploads/2023/09/gun-ban-2.jpg)
📸: Gen MacArthurMPS/Borongan CPS